چنڈی گڑھ،6جنوری(ایس او نیوز/آئی این ایس انڈیا)عام آدمی پارٹی(آپ)نے امرتسر(مشرق)اسمبلی سیٹ سے اپنا امیدوار تبدیل کر دیا ہے۔پنجاب کی آپ یونٹ کے کنوینر گرپریت سنگھ گھگی نے کہا کہ امرتسر(مشرق)سیٹ سے راجندر کمار کی جگہ درباری لال پارٹی کے امیدوار ہوں گے۔عام آدمی پارٹی نے پنجاب کے 117اسمبلی سیٹوں میں سے 110کے لئے اپنے امیدواروں کا اعلان کر دیا ہے۔پارٹی لوک انصاف پارٹی(ایل آئی پی) کے ساتھ مل کر چار فروری کو ہونے والے انتخابات لڑ رہی ہے۔ایل آئی پی سات نشستوں پر الیکشن لڑے گی۔